ԿԸՀ-ն ամփոփեց 1982 ընտրատեղամասերի նախնական արդյունքները

Մայիսի 6-ին ԱԺ ընտրություններին մասնակցել է 1 մլն 574 հազար 430 ընտրող ընդհանուր՝ 2 մլն 524 հազար 960-ից: Կենտրոնական ընտրական հանձնաժողովի նիստում քիչ առաջ ամփոփվեցին 1982 ընտրատեղամասերի համամասնական ընտրակարգով ընտրությունների նախնական արդյունքները և կազմվեցին արձանագրությունները:

ԿԸՀ նախագահ Տիգրան Մուկուչյանը հրապարակեց տվյալները, որոնք, ներառյալ 3627 անճշտությունները, ունեն հետևյալ պատկերը.

ՀՀԿ` 663,240 ձայն կամ 43.94%,
ԲՀԿ` 454,686 ձայն կամ 30.13%,
ՀԱԿ` 106,912 ձայն կամ 7.08%,
«Ժառանգություն» կուսակցություն` 87,100 ձայն կամ 5.77%,
ՀՅԴ` 86,302 ձայն կամ 5.72%,
ՕԵԿ`82,690 ձայն կամ 5.48%,
ՀԿԿ` 15,933 ձայն կամ 1.06%,
ՀԴԿ` 5,634 ձայն կամ 0.37%,
ՄՀԿ` 3,081 ձայն կամ 0.20%:

Նշենք, որ ընտրատեղամասերի փակումից ոչ ուշ, քան 24 ժամ անց ամփոփվում են նախնական արդյունքները և պաշտոնապես հրապարակվում, քվեարկությունից հետո 7-րդ օրը կազմվում է արձանագրություն քվեարկության արդյունքների վերաբերյալ` հաշվի առնելով բոլոր դիմում-բողոքները:

Posted in: Նորություններ, Քաղաքականություն