ԿԱԶՄՎԵԼ Է ԱՇԽԱՐՀԻ ԱՄԵՆԱԲԱՐՁՐ ՎԱՐԿԱՆԻՇ ՈՒՆԵՑՈՂ ՀԱՄԱԼՍԱՐԱՆՆԵՐԻ ՑՈՒՑԱԿԸ

Նախքան որևէ համալսարան ընդունվել փորձելը, մեզ մի շարք հարցեր են հետքրքրում կապված տվյալ համալսարանի կրթական մակարդակի, ավարտելուց հետո նրա ընձեռնած հնարավորությունների և այլնի հետ կապված:
Պարզվում է, որ կա աշխարհի համալսարանների դասակարգում: Եվ աշխարհի համալսարանների դակարգում սկսել են անել 2003 թվականից: Որպես գնահատման չափորոշիչներ են ծառայում Նոբելյան մրցանակ ստացած շրջանավարտների ու աշխատակիցների թիվը, հետազոտությունների և համաշխարհային կրթական ոլորտում ունեցած ազդեցությունը, միջազգային գիտական հեղինակավոր ամսագրերում տպագրությունների քանակը և այլն:
Այս տարի Շանհայ Ցյատոու համալսարանի կողմից հրապարակվել է աշխարհի լավագույն 500 համալսարանների նորացված ցուցակը, որտեղ ընդգրկված բուհերից 151-ն ամերիկյան են: Լավագույն 3 համալսարաններն են Հարվարդը, Սթենֆորդը և Մասաչուսեթսի տեխնոլոգիական ինստիտուտը:
Երկրորդ տեղում` ըստ լավագույն համալսարանների քանակի Գերմանիան է` 39 համալսարան, երրորդ տեղում Մեծ Բրիտանիան է` 37 համալսարան, չորրորդ և հինգերորդ տեղերում են համապատասխանաբար Ճապոնիան և Ֆրանսիան:
Ռուսական համալսարաններից Մոսկվայի պետական համալսարանը 77-րդն է, չնայած այն հանգամանքին, որ նախորդ տարվա ցուցակում 7-րդն էր: 

 Հայաստանյան համալսարանները ցավոք ընդգրկված չեն թոփ 500-ում: Ըստ webmetrics.info կայքի հայաստանյան լավագույն համալսարանը Երևանի պետական համալսարանն է, որը աշխարհում 2856-րդն է: Հայաստանի ամերիկյան համալսարանը 2982-րդը, Հայ-ռուսական (սլավոնական) համալսարանը` 4972-րդը, Երևանի պետական լեզվաբանական համալսարանը` 7544-րդը, Հայաստանի ֆրանսիական համալսարանը 10703-րդը, Երևանի պետական բժշկական համալսարանը` 10781-րդը:
Այնուամենայնիվ հայաստանյան համալսարանների որակը զգալիորեն բարձր է հարևան մյուս երկրների ցուցանիշներից: Վրաստանի լավագույն համալսարանը 5918-րդն է, իսկ Ադրբեջանինը`6211-րդը:

Հավանեցի՞ր, դե տեղեկացրու ընկերներիդ` 

Posted in: Հետաքրքիր